"Eno-T Wine & Tourism 2020" sariketan zilarrezko sariak jaso dituzte Xarmant eta Eukeni txakolinek

Izar Mendiguren Cosgaya 2020ko uzt. 24a, 07:08

Artomañan ekoitzitako ardoak saritu dituzte. / Estate WInes

Artomañanako upategikoak dira bi ardo zuri sarituak. Sei sari banatu zituzten guztira kategoria horretan, eta horietako bi lortu zituen Aiaraldeko upategiak.

Nazioarteko "ENO-T Wine & Tourism" lehiaketan ardoaren kalitatea eta enoturismoaren isla neurtu dituzte, Arabako Txakolinak prentsa oharrean adierazi duenez. Lau modalitate barne hartu dituzte ekimenean: ardo zuriena, gorriena, 12 hilabetez upeletan egondako ardo beltz onduena eta vermouthena. Aitortza jasotako upategi euskaldun bakarrak dira Artomañakoak.

Xarmant txakolinak eta Eukeni izenekoak lortu dituzte zilarrezko sariak, 2019an ekoitzitako ardo zuriari esker. Urrezko bi aitortzak Galiziara joan dira (Rias Baixas), Granxa Pegullal upategiko "Tanto me da" eta "Pazo Pegullal" botiletako edaria dela medio.

Jose Antonio Merino Arabako Txakolinaren lehendakariak oso positiboki baloratu ditu emaitzak. Azaldu duenez, "uztailaren 16an Madrilen ospatu zen Eno-T Wine&Tourism lehiaketaren lehen edizioa". Merinoren aburuz, sariek bistaratu egiten dute konfinamenduan Arabako Txakolinaren upategietan egindako lanaren eta kalitatearen mantenua: "Arabako Txakolinarentzat sekulako bultzada da horrelako aitortza jasotzea gure lurralde eta Txakolinaren Ibilbideko promozio zein produktuei begira".

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide