Egun bereziki beroa izan da gaurkoa Aiaraldean. 40 graduko tenperatura egon da eskualdean eguneko zenbait unetan.
Gardeako estazioan 28,5 gradukoa izan da airearen bataz besteko tenperatura. Termometroak 13:30ean jo du goia,40,1 gradura iritsita. Gutxiengo tenperatura, aldiz, 5:20ean jazo da: 17,9 gradu.
Aretako estazioan 26,8 gradukoa izan da bataz bestekoa. Maximoa 13:40ean jazo da (39,2º) eta gutxiengoa 5:10ean (17,2º).
Untzuetako neurgailuek tenperatura baxuagoak erregistratu dituzte, baina kontuan hartu beharra dago 764 metroko altueran daudela: maximoa 34,9gradukoa izan da eta gutxiengo tenperatura 15,8 gradukoa, 00:40ean.
Orozkoko estazioan 26,6 gradukoa izan da bataz bestekoa, 39,3 gradu egin ditu gehienez eta 18,1 gradukoa izan da gutxiengoa. Saratxon 27,8 gradukoa izan da batez bestekoa, 40,3 gradukoa maximoa eta 17 gradukoa gutxiengoa.
Urduñan, ordea, 33,5 gradukoa izan da gehienezko tenperatura eta 20,2ºra jaitsi da termometroa eguneko unerik hotzenean.
Hurrengo egunetako aurreikuspena
Euskalmeten arabera, bihar ez du horrenbeste bero egingo eskualdean. Tenperaturak 17 eta 28 gradu artean mugituko dira. Asteburuan apur bat gehiago jaitsiko dira, eta igandean euria egingo du, agentziaren iragarpenen arabera betiere.