PILOTA

Aiaraldearrez osatutako 3 bikote izan dira txapeldun Andra Mari Zuriko txapelketan

Aitor Aspuru Saez 2020ko abuztuaren 9a

Iker Larrazabal, Garat Arregi eta Aner Salazar amurrioarrak eta Asier Sanchez eta Axular Alonso laudioarrak txapeldun izan dira Andra Mari Zuriko bikotekako pilota txapelketan, gaur goizean.

Gaur goizean jokatu dira Gasteizen Andra Mari Zuri pilota txapelketako finalak. 5 aiaraldear egon dira lehian eta denak itzuli dira txapelarekin. Iker Larrazabal eta Garat Arregi amurrioarrek senior kategorian lortu dute. Bikoteak Uribe-Markaida menderatu ditu 22-8 puntuazioa erdietsita.

Larrazabalek berak azaldu du hasiera erraza izan dutela eta 11-0 jarri direla, baina gero aurkariak puntuak egiten hasi direla.

Asier Sanchez laudioarrak eta Aner Salazar amurrioarrak gaztetxoen kategorian jokatu dute finala eta nagusitasuna ere erakutsi dute: Sanchez-Salazar 22 Aranburu-Formoso 5.

Azkenik, Axular Alonsok ere garaipen argia eskuratu du gazteen kategorian: Diaz de Gereñu-Alava 7 Alonso-Arriolabengoa 22.

Berez, aurreikusitakoa bete da, eskualdeko pilotariak baitziren faboritoak. Aurtengo txapelketa ez da ohikoa izan, orain arte Gasteizko Foru Plazan jokatzen baitzen eta aurten, COVID 19a dela eta, Zaramagako frontoian lehiatu behar izan da.

Kirola

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide