"Ibiltarien sarea" osatu du udari begira Sarek, euskal preso eta iheslarien etxeratzea aldarrikatzeko. Ekimen ugari egiten ari dira Euskal Herrian zehar elkartasuna adierazteko.
Datozen egunetan bost ekitaldi egongo dira bailaran dispertsioa salatzeko. Abuztuaren 28an -hilabeteko azken ostirala- elkarretaratzeak egingo dituzte Amurrion eta Laudion 20:00etan. Larunbatean, aldiz, mobilizazioa deitu dute Laudioko Alberto Acero plazan 19:00etan, eta elkartasun postua kokatuko dute arratsaldean zehar toki berean. Musukoaren erabilera derrigorrezkoa izango da jarduera guztietan, eta osasun zen segurtasun neurriak errespetatu beharko dira.
Igandean, berriz, Orozkok hartuko du lekukoa. Hain zuzen, Kurtzegan aukeratu dute ibilaldia osatzeko. 10:00etan abiatuko dira Zubiaur plazatik. Irailaren 2an, ostera, kontzentrazioa deitu dute plaza berean Alaitz Aramendi presoak 13 urte daramatzala espetxean salatzeko.
Orain arteko ekimenak
Eskualdean ere jarduera ugari egin dira orain arte: uztailean Laudioko Goikogane gailurrera txangoa antolatu uzten, baita Urduña eta Durango lotu zituen bizikleta zeharkaldia ere: