Osasun sistemak giza baliabide gehiago behar dituela aldarrikatu dute pentsiodunek

Mobilizazioa egin dute Laudioko pentsiodunek gaur eguerdian, Herriko plazatik anbulatorioraino. Kalitatezko osasun sistema baten beharra aldarrikatu dute bertan, eta hori lortzeko giza baliabide gehiago behar direla nabarmendu dute. 

Amurrioko pentsiodunek ez dute mobilizaziorik egin, ostiraleko zitarako gordeko baitituzte indarrak. Egun horretan elkarretaratzeak deitu dituzte sindikatuek EAEko lehen arretako zentro guztietan, 13:00etan, eta horietara batuko dira eskualdeko pentsiodunak. 

Tubacexeko langileei elkartasuna

Agenda betea dauka Aiaraldeko pentsiodunen mugimenduko kideek aste honetan, ostegunean Tubacexeko langile batzordeak egingo duen mobilizaziora ere batuko baitira. Idazkia plazaratu dute deialdia babestu eta enpresa horretako langileei elkartasuna adierazteko. "Astelehenero plazetan gauden bezala, zuen ondoan izango gaituzue zuen lanpostuak defendatzeko egiten dituzuen mobilizazio guztietan", iragarri dute.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide