AZKEN DATUAK

Atzo Aiaraldea osoan positibo bakarra egon zen, Laudion

Laudioko anbulatorioan prestatutako gunea PCR proba egin behar dutenentzat. / Aiaraldea.eus

Atzo PCR proba gehigo egin zituzten Euskal Autonomia Erkidegoan, baina eskualdean koronabirus kasu bakarra agertu zen, Laudion, hain zuzen ere.

Osakidetzak eguerdian plazaratu du astean zehar egunero argitaratzen duen txostena, COVID-19aren zabalpenaren berri emateko. Aiaraldean joerak behera egiten jarraitu du eta astelehenean bi kasu baino ez baziren diagnostikatu, atzo bakarra izan zen, Laudion, alegia.

Edonola ere, EAEko ratioa berriro murriztu bazen ere -0,89tik 0,86ra jaitsi zen-, atzo 459 positibo agertu ziren, astelehenean 287 detektatu ziren bitartean. Zehazki, 46 kasu berri topatu ziren Araban, 237 Bizkaian eta 166 Gipuzkoan.

Zaintza intentsiboko unitatean 56 herritar daude, astelehenean baino bat gehiago, eta atzo 42 lagun ospitaleratu zituzten, 315 guztira. 

Eskualdeko datuei dagokienez, udalerriz udalerri, hauek dira (pandemia hasi zenetik):

  • Laudio: 264
  • Amurrio: 169
  • Aiara: 75
  • Urduña: 63
  • Okondo: 11
  • Orozko: 35
  • Artziniega: 35
  • Arakaldo: 0
  • Arrankudiaga-Zollo: 2
  • Aiaraldea: 651

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide