Kantauriko Urkidetzaren arabera, 4 urte barru Markixana eta Basaurbeko araztegiak lanean egongo dira eta obrak estatuak finantzatuko baditu ere, gero kudeaketa udalerrien esku geratuko da autonomia osoz.
Hori dela medio, Aiaraldeko partzuergoa akordio zabala lortzen saiatzen ari da, etorkizunean ura arazteko kostua eta horretarako herritarrek ordaindu beharko duten tasa zehazteko.
Uraren kudeaketa eredu jasangarria eta eraginkorra da azken helburua eta, testuinguru horretan, Urbiderekin bat egitea aztertzen ari dira; hau da, Arabako Foru Aldundiak lurraldearen ur zikloaren kudeaketa integralerako bultzatu duen Ur Partzuergoarekin.
Zehazki, irailaren 8an eta 22an batu ziren Amurrion Artziniega, Amurrio, Aiara eta Laudioko udal arduradunak, administrazio batzarretako ordezkariak eta Josean Galera Ingurumen sailburua.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
