HISPANITATEAREN EGUNA

Aiaraldea Kooperatiba Elkartea lanean ari da gaur, euskal egutegia baliatuta

Aiaraldea Kooperatibako hainbat langile lanera joan dira gaur. / Aiaraldea.eus

Aiaraldea Kooperatibako langileek euskal egutearen aldeko hautua egiten dutenez, ez dute ospatu Hispanitate Eguna. Aiaraldeako bulegoa zein ekonomatua zabalik egongo dira gaur, ohiko ordutegietan.

Gaur lan-egun arrunta da Aiaraldea Kooperatiban. Izan ere, enpresako beharginek berezko egutegiaren aldeko apustua egiten dute eta, ondorioz, Hispanitate Eguna ez da aitortzen.

Aiaraldeako lan egutegian zenbait jai -arrotzat jotzen direnak- bestelako jai egunekin ordezkatzen dira. Esaterako, kooperatibako langileek udako solstizioa (ekainak 24) hartzen dute jai.

Berez, gaur, urriaren 12a  Espainiako jai nazionala da. Data hori desfile militarrarekin islatzen dute Espainiako Presidenteak, Erregeak eta hainbat ordezkari publikok. Horrez gain, Estatu espaniarrak  Amerikako kolonizazioa ere ospatzen du. Garai batean "Espainiako Arrazaren Eguna" izendatu zuten, hain zuzen. Izan ere, Espainiarrek bi munduen arteko topaketa legez irudikatzen dute kontinentearen kolonizazio prozesua. Ordea, Mendebaldearen inbasioak Amerikan eragin zuen kultura indigenen desarpen eta sarraskia.

Guzti horregatik, Aiaraldeako bulegoa zein ekonomatua zabalik egongo dira gaur, ohiko ordutegietan.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide