Apalatxeetako Bidezidorrean bizitako abenturei buruzko liburua plazaratu du Jon Galdosek

Txabi Alvarado Bañares 2020ko urriaren 22a

Duela hiru urte egin zuen Jon Galdosek bidaia. / J.G.

Internet bidez erosi daiteke kirolari lezamarraren lana. Estatu Batuetako bizimoduaren nondik norako ugari azaldu ditu Galdosek argitalpenean.

Basajaun en el sendero de los Apalaches liburua argitaratu berri du Jon Galdos Elguezabalek. Estatu Batuetan dagoen Apalatxeetako Bidezidorra kolpe bakarrean zeharkatu zuen kirolari lezamarrak 2017an, eta abentura horren nondik norakoak islatu ditu idatzizko lanean. Talento Caligrama argitaletxeak plazaratu du liburua, eta idazlearen webgunean eskuratu daiteke: www.jongaldos.com. Beste hainbat plataformetan ere dago salgai, Galdosek zehaztu duenez: “Oso pozik nago lana apurka apurka izaten ari den harrerarekin”.

Apalatxeetako Bidezidorra "munduko xendazaletasun ibilbide garrantzitsuena" da, lezamarraren hitzetan, "3.523 kilometroko luzera eta 141.000 metroko desnibel pilatua du". Liburuan, baina, ez da bidearen nondik norakoak azaltzera mugatu: "Estatu Batuetako jendartearen bestelako irudi bat islatu nahi dut liburuan, guk hemen dugun iruditik asko aldentzen dena".

Kultura Amurrio Lezama

Erlazionatuak

“Bizitzaz eta erresistentziaz betetako esperientzia da Apalatxeetako bidezidorra”

Txabi Alvarado Bañares 2020 eka 23 Amurrio Lezama

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide