Gaur argitaratuko da Aiaraldea Hemen hamabostekariaren 131. zenbakia. Ohiko edukiez gain, gehigarri bat dakar argitalpenak, Gazteen ahotsak eta indarkeriaren hotsak izenekoa. Gazteek indarkeria matxista nola bizi duten jorratzen du agerkari bereziak. Eskualdeko 250 gazte baino gehiagoren iritzi eta bizipenak jaso ditu Aiaraldea Hedabideak, test edota tailerren bidez, eta emaitza zein ondorio nagusiak bildu ditu.
Ohiko hamabostekariari dagokionez, eduki bat nabarmentzen da: Asier Martinez eginiko elkarrizketa. Twitch plataforman zuzenekoak egitea du ogibide gazte laudioarrak, eta horren inguruan mintzatu da.
Gaur goizean iritsiko dira hamabostekariaren aleak inprentatik eta jarraian ekingo zaio banaketari. Eskualdeko ikastetxe, saltoki, taberna eta topaguneetan eskuratu daitezke aleak doan, eta baita ondorengo puntuetan ere:
- Aldai plaza (Laudio)
- Aiaraldea Kooperatiba Elkarteko egoitza (Nerbioi kalea 12, Laudio)
- Abasto plaza (Laudio)
- Luiaondoko supermerkatua
- Laudioko kiroldegia
- Artziniegako frontoia
- Atxetako Dia
- Amurrioko Eroskia
- Orozkoko frontoia
- Urduñako supermerkatuak
- Basalarrina elkartearen egoitza (Laudio)