Gaur goizean argitaratu da Aiaraldea Hemen hamabostekariaren 132. zenbakia. Ohikoan bezala, azken bi asteetan jasotako gertakari esanguratsuenei buruzko informazioa dakar agerkariak, ostalaritzaren itxierari buruzko erreportajea kasu.
Horrez gain, aurrera begira ere jarri da hamabostekaria, Euskaraldiak zein Indarkeria Matxistaren Aurkako Nazioarteko Egunak dakarten ekintza guztien gaineko informazioarekin.
Banaketa berezia
Hamabostekariaren banaketa moldatu egin da, taberna eta jatetxeen itxiera dela eta. Gauzak hala, eskualdeko kaleetan dauden banaketa-puntuetara bideratuko dira normalean establezimendu horietan uzten ziren aleak.
Hauek dira banaketa puntu horiek:
- Aldai plaza (Laudio)
- Aiaraldea Kooperatiba Elkarteko egoitza (Nerbioi kalea 12, Laudio)
- Abasto plaza (Laudio)
- Luiaondoko supermerkatua
- Laudioko kiroldegia
- Artziniegako frontoia
- Atxetako Dia
- Amurrioko Eroskia
- Orozkoko frontoia
- Urduñako supermerkatuak
- Basalarrina elkartearen egoitza (Laudio)
Gainontzeko banaketa puntuak -bestelako saltokietakoak, tren geltokietakoak edota ikastetxeetakoak- orain arte bezala mantenduko dira. Modu horretan, eskualdeko herri guztietan egongo da hamabostekaria doan eskuratzeko aukera.