Gaur argitaratuko da Aiaraldea Hemen hamabostekariaren 133. zenbakia, aurtengo azkenaurrekoa. Ohi bezala, hainbat gairi buruzko edukiak dakartza agerkariak, baina Euskaraldia izango da nagusia. Erreportajea topatuko du irakurleak, euskararen aldeko ariketa horrek Aiaraldean utzi dituen datuekin.
Ekonomatuari buruzko gehigarria
Horrez gain, Aiaraldea Ekintzen Faktoriako Ekonomatuaren gehigarria dakar hamabostekariak, Gabonei begirako katalogo bereziarekin.
Gaurtik aurrera eskuratu daiteke argitalpena formatu fisikoan, eskualdeko saltoki, eskola eta kaleetan. Taberna eta jatetxeak itxita jarraitzen dutenez, eskualdean zehar dauden banaketa puntuetara bideratuko dira ohikoan establezimendu horietan uzten diren aleak:
Hauek dira banaketa puntuak:
- Aldai plaza (Laudio)
- Aiaraldea Kooperatiba Elkarteko egoitza (Nerbioi kalea 12, Laudio)
- Abasto plaza (Laudio)
- Luiaondoko supermerkatua
- Laudioko kiroldegia
- Artziniegako frontoia
- Atxetako Dia
- Amurrioko Eroskia
- Orozkoko frontoia
- Urduñako supermerkatuak
- Basalarrina elkartearen egoitza (Laudio)