20:00ak arte egon ahalko dira taberna eta jatetxeak zabalik, larunbatetik aurrera

Aimar Gutierrez Bidarte 2020ko abenduaren 9a

Iñigo Urkullu lehendakariak eman du neurrien berri. / Eusko Jaurlaritza

Bihartik aurrera lurralde barneko mugikortasuna baimenduko dute. Tabernek eta jatetxeek larunbatean altxatu ahalko dute pertsiana, %50eko edukiera errespetatuz.

Arratsaldeko 18:30etan elkartu da Labi Babes Zibileko Planaren Aholku Kontseilua. Iñigo Urkullu lehendakariak agerraldia eskaini du bertan hartutako erabakien berri emateko.

Gauzak horrela, bihartik aurrera udalerrien arteko konfinamendu perimetrala altxatu eta lurralde barruko mugikortasuna baimenduko da. Hala ere, lurraldeen arteko mugikortasuna ez da abenduaren 23ra arte baimenduko, eta abenduaren 23tik 26ra eta abenduaren 30etik urtarrilaren 2ra bakarrik burutu ahalko dira desplazamendu horiek.

Etxeratze agindua ere arinduko dute gabon eta gabonzahar gauetan, 1:30ak arte luzatuz.

Ostalaritza zabalik

Azaroaren 7tik itxita dauden taberna eta jatetxeek larunbatetik aurrera ekin ahalko diote berriz jardunari, goizeko 6:00etatik arratsaldeko 20:00ak arte. Establezimenduen barruan edukieraren %50a soilik bete ahalko da. Terrazetan, berriz, edukieraren %100a. Dena dela, debekatuta egongo da barran edo zutik kontsumitzea.

Jendartea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide