IRITZIA

Eztabaidarako aukera

Andrea Ruiz Balzola antropologoak idazti du zutabe hau.

Marshall McLuhanek zioenez, komunikabidea da mezua. Zurrumurruen Aurkako Sarean, neurri batean bat gatoz tesi honekin. ZAS! sareak sinesgarritasuna transmititzen duen komunikabidea izan nahi du. Beraz, goiburuan ZAS! agertzea errealitatea islatzearen bermetzat jo dadila nahi du. Baina mezuaren edukia ahaztu gabe.

Garai txarrak dira munduan aniztasunaz eta arrazakeriari aurka egiteaz eztabaidatzeko. Arrazakeriaren aurkako borrokaren protagonista izan diren erakunde, entitate eta pertsonen artean, hainbat ikuspegi daude, bai eta nolabaiteko nahasmendua ere. Neurri batean, eta migrazio-prozesuen ondorioz, eragile berriak agertu dira borroka honetan, eta arrazakeriaren aurkako mugimendu tradizionalenari atzerapauso bat emateko eskatzen diote, borroka horien protagonismoa pertsona arrazializatuek har dezaten. Mugimendu feministan bezala, kontua da baztertutakoen eta mendekoen ahotsak entzutea, eta haiek berek azaltzea, egoera horretatik, beren bazterketa- eta menderakuntza-prozesuak.

Aldarrikapen hori bidezkoa da, eta aintzat hartu eta orain arte egin ditugun gogoeta tradizionalenetan sartu behar dugu, baina ez du ordezkapen-prozesu bat izan behar, ez dugu “bat kendu behar, haren tokian geu jartzeko”, baizik eta eztabaida bat zabaldu behar dugu, konbergentzia-puntuak aurkitu ditzagun, eta puntu horietan esperientziek ez dezaten bazterrean utzi prozesu sozial, ekonomiko eta politikoen azterketa lasaia. Mesede eskasa egingo diogu arrazakeriaren aurkako borrokari, baldin eta, hizkera identitario batean tematuta, historikotzat eta kontingentetzat jotako guztiari esentzia berria ematen badiogu.

Eztabaidaren une honetan –batzuetan, nahiko garratza eta zakarra–, ZAS! sareak soseguz egin nahi du bere ekarpena, sinetsirik komunikabide sinesgarria bihurtuko dela, bere mezuak ahalik eta modurik zuhurrenean deskribatzen duen heinean zer-nolako errealitate konplexu eta askotarikoa bizi dugun.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide