Hainbat ekimen deitu ditu Sarek gaurko egunerako. Hilabeteko azken ostirala izanik, elkarretaratzeak egingo dituzte Euskal Herriko toki gehienetan, 20:00etan.
Urduñan, baina, eguerdian egin dute mobilizazioa. "Musikatua" izan da gaurkoa, eta hiriko musikariek zenbait pieza jo dituzte Foru plazan.
Amurrion, Elexondo kalera eraman dute euskal preso eta iheslariak etxeratzeko aldarria. Hala, 12:00etan "elkartasun kantukada" egin dute.
Ekimen gehiago
Datozen egunetan ekintza gehiago iragarri ditu Sarek. Laudion, adibidez, mosaikoa egingo dute hilaren 31n, 18:00etan Alberto Acero plazan.
Urduñan, aldiz, ikus-entzunezkoa sortu dute, dispertsioak eta espetxe politikak urduñarrengan izandako eragina zabaltze aldera.
Urtarrilaren 9an Bilbon antolatu izan du urtero Sarek manifestazio nazionala. Aurten, baina, koronabirusaren ondorioz, herrietan egingo dira mobilizazioak.
Argazkiak: Maddi Isasi Azkarraga
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide