Elurtuta esnatu dira Aiaraldeko gailurrak. Elurra eta haizea dela eta abisu horia ezarri dute gaurko, abenduak 26; eta bihar ere aktibatuta egongo da, hotza eta haizea iragarri baitituzte.
Elur kota 600 metrotan aurkitzen da, eta horrek zirkulazio arazoak sortu ditu Urduñako mendatean. Trafiko zuzendaritzak jakinarazi duenez, kateekin zirkulatzea derrigorrezkoa da bertan.
Haize bortitza bihar
Euskalmetek abisu horia mantenduko du bihar ere. Tenperaturek ez dituzte 5 graduak gaindituko, eta izotza sortuko da Aiaraldeko zenbait tokitan.
Haizeguneetan, hego-mendebaldeko haize boladek 100 km/h abiadura gaindituko dute, bereziki gauean; non 120 kilometro orduko abiadurara iritsi daitezkeen. 8:00etatik aurrera haizeteak ez diren lekuetan ere gogor joko ditu hego-mendebaldeko haizeak, 80 km/h abiadura pasata.
Abisu Horiak:
— Euskalmet (@Euskalmet) December 26, 2020
Izotzagatik gaur eta bihar
Haizeagatik bihar eta etzi
Elurragatik etzi
Alerta Laranjak:
Nabigaziorako igande amaieran eta astelehenean
Kostaldean inpaktuagatik astelehenean#AbisuHoria #elurra #izotza #haizea #AlertaLaranja #olatua #ItsasUholdea #OlatuZaparra pic.twitter.com/x7FQoPhdL2