Aiarako erakusleiho lehiaketako sari banaketa egin zuten iragan asteazkenean

40 establezimenduk parte hartu dute aurtengo lehiaketan. Laudioko Irusta lurrindegiak irabazi zuen epaimahai teknikoaren lehenengo saria.

Aiaraldeko Enpresen Koordinaziorako Federazioak antolatutako Aiarako erakusleiho lehiaketaren VII. edizioaren sari banaketa egin zuten iragan abenduaren 23an. Laudioko Udalbatza aretoan burutu zuten ekitaldia, COVID-19aren aurkako neurriek baldintzatuta.

Artziniega, Okondo, Amurrio, Aiara eta Laudioko 40 establezimenduk hartu dute parte aurtengo edizioan. Laudioko Irusta lurrindegiak jaso du epaimahai teknikoaren lehenengo saria. Bigarrena, aldiz, Amurrioko Burutxaga harategiarentzako izan da eta, azkenik, Artziniegako Casa Taidak eskuratu zuen hirugarren postua.

Artziniegan geratu zen ere Arabako Merkataritza Federazioak banatzen duen “erakusleiho ikusgarrienarentzako saria”, La Encina jatetxearentzat izan baitzen.

Aurten, gainera, herri bozketa bidez ere aukeratu da irabazleetako bat. 1456 lagunek hartu dute parte bozketan eta Amurrioko Abascal arropa dendakoa izan da erakusleiho guztien artean bozka gehien jaso dituena. 20 sari zozketatuko dituzte botoa eman duten pertsona guztien artean.

Asteazkeneko sari banaketa baliatu zuten ere Okondo eta Aiarako erakusleiho onenen saria banatzeko; Astobiza upategiak eta Antojo tabernak irabazi zuten, hurrenez hurren.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide