Euskal preso eta iheslarien aldeko elkarretaratzeak egin dituzte urteko azken egunean

Erredakzioa 2021eko urtarrilaren 1a

Amurrion, Laudion eta Urduñan egin zituzten mobilizazioak.

Mobilizazioak egin zituzten atzo -abenduak 31- Laudion, Amurrion eta Urduñan euskal preso eta iheslarien etxeratzea aldarrikatzeko.

Laudion eta Urduñan argi mosaikoak osatu zituzten. Laudion, euritakoak erabiliz, 'A' hizkia osatu zuten aurki espainaratuko duten Alaitz Aramendiri elkartasuna adierazteko. Urduñan, aldiz, kandelak baliatu zituzten euskal preso eta iheslarien Euskal Herriratzea exijitzeko. Amurrion ere jendetza elkartu zen urte amaierako brindisean; argiak baliatuz "Maite zaituztegu" esaldia osatu zuten.

Urtarrilaren 9an, herriz herri egingo du Sarek urtero Bilbon antolatu ohi duen manifestazio nazionala, aurtengoan 'Bidea gara' lemapean. Atzoko elkarretaratzeetan manifestazio hauetan parte hartzeko deia luzatu dute zuten.

Laudion bideoa osatu dute egindako argi-mosaikoaren irudiekin:

Politika

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide