Elur-jausiak direla eta, Arrisku aholkularitza taldeak alerta egoera ezarri du Gorobel mendigunean eta larrialdi zerbitzuek baieztatu egin dute. Haize boladek astindutako azken egunetako elur metaketek handitu egin dute arrisku egoera.
1.000 metrotik gorako mendiguneetan eta 30-45 gradu baino gehiagoko malda duten inguruetan, elur-jausi arriskuarekiko esposizioa handia dela jakinarazi dute. Ondorioz, arreta eskatu diete mendizaleei.
Gaur eta hurrengo egunetan #elurjausi arriskua EAEko mendigunetan 1.000mtatik gora, gehienbat (ataka, gandor, haizebe eta 30-45º maldetan).Arreta: Gorbeia (Aldape, Aldamin, Lekanda, Dulau)-Gorobel-Anboto-Aralar-Aizkorri -Txindokin... Arazoak: haize-plaka elurra eta elur berria pic.twitter.com/IrgxVNpJcR
— Riesgos Naturales & Medio Ambiente (@arriskeus) January 2, 2021
Abisu horia elurra dela eta
Euskalmetek abisu horia mantenduko dut hurrengo egunetarako ere. Prezipitazio txikiak izango dira baina ez dute etenik izango. Elur kota 300 metrotan kokatuta dago eta 200 metrotara jaitsi daitekela aurreikusi dute, altuera horietan 5 zentimetroko elur metaketak espero dira. Noizbehinka ekaitzak jo eta txingorra bota dezake.