Elurrak zuritu egin ditu eskualdeko eta Euskal Herriko tontorrak azken egunetan. Horrek mendizale askoren arreta piztu du, lagun ugari hurbildu baitira gailurretara erraketa, eski edota oinez gozatzera.
"Elur jausiak kontrolatzeko hegaldia Gorbeia eta Sierra Salvadan. Gorbeiakoa, nabarmena", adierazi dute sare sozialetan Ertzaintzako kideek. Erantsi dutenez, Ganekogortan ere topatu dituzte elur kapa erorketak.
Aiaraldeko elur erorketak
Aiaraldea Hedabideari jakinarazi diotenez, "Gorobelek Aiaraldeari begira dituen ertz guztietan daude elur jausi fondodunak, 30º baino gehiagoko inklinazioarekin". Iparralde eta ipar-ekialde orientazioan topatu dituzte erorketak.
Hori dela eta, mendizerraren magalaren erditik doazen bide eta pistak saihesteko eskatu dute, "eta goiko aldean oso kontuz ibiltzeko, elur ezegonkorrarekin erlaitzak gerta daitezke eta".
Vuelo de control de aludes, Gorbea y Sierra Salvada. Deslizamiento de dimensiones considerables en Gorbea. Cuidado estos días de subida de temperaturas.
— UVR Ertzaintza (@UvrErtzaintza) January 14, 2021
Elurjausiak kontrolatzeko hegaldia, Gorbeia eta Sierra Salvadan. Gorbeiakoa, nabarmena. #elurjausiakEH#uvr pic.twitter.com/mZqbYB9qPs
Amurrio Trail taldeak arduraz jokatzeko deia luzatu du. Mendiko Lagunak taldeak ere argitaratu du oharra: "Adi! Elur jausien arriskuarekin jarraitzen dugu gure mendietan. Ikaragarriak dira gaur Gorbeian eta Gorobelen UVR Ertzaintzak ateratako argazkiak".
Edozelan ere, Gorbeiako gurutzearen magalean jazotako elur jausiak jaso du arreta gehien:
