Gaur -urtarrilak 27- argitaratuko da Aiaraldea Hemen hamabostekariaren 136. zenbakia, aurtengo bigarrena. Hainbat eduki berri dakartza hamabostekariak.
Boniface Ofogo ipuin-kontalariaren elkarrizketak osatzen du azala, liburua argitaratuko baitu laster Pamiela argitaletxearekin. Nerea Quincoces eta Unai Etxebarria musikariei eginiko elkarrizketak ere topatuko ditu irakurleak.
Horrez gain, erreportaje ugari ere daude agerkarian: AP-68a dohainik izatea eskatzeko sortutako plataformari buruzkoa, mendi erreskateen ingurukoa eta Jesus Mari Garayo Urruela soziologoak osatutakoa Urduña eta Villalba de Losa udalerrien arteko gatazkari buruz, besteak beste.
Datozen egunetan banatuko da hamabostekaria eskualdeko saltoki, ikastetxe eta kaleetan. Honako banaketa puntu hauetan topatu daiteke, besteak beste:
- Aldai plaza (Laudio)
- Aiaraldea Kooperatiba Elkarteko egoitza (Nerbioi kalea 12, Laudio)
- Abasto plaza (Laudio)
- Luiaondoko supermerkatua
- Laudioko kiroldegia
- Artziniegako frontoia
- Atxetako Dia
- Amurrioko Eroskia
- Orozkoko frontoia
- Urduñako supermerkatuak
- Basalarrina elkartearen egoitza (Laudio)