Aitortza esanguratsuak jaso dituzte Aiaraldeko bi txakolinek. Artomaña Txakolindegiko Xarmant ardoa New York Times egunkarian agertu da, 20 dolarretik beherako munduko 20 ardori buruzko artikuluan. “Egunkari horren arabera, Xarmant da ardo onenetariko bat kalitatearen eta prezioaren arteko harremanari dagokionez, eta hori botilaren prezioa 19,9 dolarrekoa denean”, azaldu du Jose Antonio Merinok, Arabako Txakolina jatorrizko izendapeneko idazkariak.
Astobiza Txakolindegiko Malkoa edariak, bere aldetik, zilarrezko sailkapena jaso du Decanter aldizkarian, 93 punturekin, Espainiar Estatuko ardo zuriei buruzko artikulu batean.
Iaz, uzta oparoa
Inoizko uzta oparoena jaso zuten iaz Aiaraldeko upategiek. 714.000 kilo inguru bildu zituzten (2019an baino %57 gehiago), eta 655.000 txakolin botila inguru ekoiztea ahalbidetuko die horrek. Hala ere, biltegiratze arazoak sortu dizkie lorpenak, salmentak txikitu direlako pandemiaren ondorioz.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
