Gaur argitaratuko da Aiaraldea Hemen hamabostekariaren 137. zenbakia, aurtengo hirugarrena. Ohikoan bezala, hainbat gairi buruzko elkarrizketa eta erreportajeak dakartza agerkariak, orain arte Aiaraldea.eus atarian argitaratu gabekoak horietako asko.
Egoerak bultzatuta, Tubacexeko lan-gatazka eraman dugu azalera, eta gaiari buruzko bi orriko erreportajea topatuko du irakurleak hamabostekarian.
Pertsona ugari elkarrizketatu ditugu: Bea Ibañez Olabarria ama bakarra, Kasilda Marañon mozorro egilea, Sara Cabrera Vazquez idazlea eta Andrea Sanchez Moreno 'tiktokerra', besteak beste.
Kirolaren atalean, aldiz, kalistenia da gai nagusia, jarduera hori egiteko Aiaraldean dauden eta egongo diren parkeak izan baititugu hizpide.
Gaurtik aurrera eskuratu daiteke argitalpena formatu fisikoan, eskualdeko saltoki, eskola eta kaleetan.
Hauek dira kalean dauden banaketa puntuak:
- Aldai plaza (Laudio)
- Aiaraldea Kooperatiba Elkarteko egoitza (Nerbioi kalea 12, Laudio)
- Abasto plaza (Laudio)
- Luiaondoko supermerkatua
- Laudioko kiroldegia
- Artziniegako frontoia
- Atxetako Dia
- Amurrioko Eroskia
- Orozkoko frontoia
- Urduñako supermerkatuak
- Basalarrina elkartearen egoitza (Laudio)