Greba mugagabea egingo dute Tubacexeko langileek astelehenetik aurrera
Txabi Alvarado Bañares
2021ko ots. 10a, 23:40
Bihar eta etzi ere greba egingo dute beharginek, kaleratzeen aurka. Astelehenean jakinarazi zuten Enpresa Batzordeko kideek aukera hori baloratzen ari zirela, baina orain baieztatu dute.
Greba mugagabea deitu du Tubacexeko Langile Batzordeak datorren astelehenetik aurrera. Modu horretan emango diote jarraipena bihar abiatuko duten mobilizazio zikloari. Bihar 24 orduko greba egingo dute beharginek, eta mobilizazioa egongo da 18:00etan, Laudioko lantegitik abiatuta.
Ostiralean jarraipena emango diote lanuzteari, eta kotxe karabana egingo dute fabriken sarreretatik abiatuta.
150 langile kalera
Kartak mahaiaren gainean jarri ditu Tubacexeko zuzendaritzak: 150 langile kaleratu nahi ditu Enplegua Erregulatzeko Espedientearen bidez, eta Aldi Baterako Enplegu Erregulazioko Espediente berria ezarriko die behargin guztiei martxoaren 29tik irailaren 10era, %60ko gehienezko erregulazioarekin. Hala adierazi zieten multinazionaleko buruek Enpresa Batzordeko kideei astelehen arratsaldean eginiko bileran.
Bileratik atera bezain laster jakinarazi zuten sindikatuek greba mugagabea egiteko asmoa, eta gaur baieztatu dute bide hori jarraituko dutela.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
