Gaur argitaratuko da Aiaraldea Hemen hamabostekariaren 138. zenbakia. Azken 15 egunetako gertakari esanguratsuenen errepasoa egiteaz gain, hainbat eduki berri izango ditu agerkariak, orain arte argitaratu gabekoak.
Gazteen lokalen egoerari buruzko erreportajea izango da eduki zabalena. Horrelako espazio bat dute zenbait gazterekin hitz egin dugu, pandemia egoeraren euren aisialdi ohiturak nola moldatu dituzten jakiteko.
Pertsona ugari elkarrizketatu ditugu hamabostekarian: Ada Kusmierz, Ivan Ruiz Rotaetxe, Jose Manuel Toscano, Ixone Mendieta Olamendi, Idoia Meaza Isusi, Irati Rodriguez, Aitziber Errazkin eta Ander Lacalle.
Beste bi eduki esanguratsu ere topatuko ditu irakurleak: Martxoaren 8rako prestatutako egitarauei buruzko erreportajea eta Tubacexeko greba mugagabeak orain arte utzitakoen argazki bilduma.
Gaurtik aurrera eskuratu daiteke argitalpena formatu fisikoan, eskualdeko saltoki, eskola eta kaleetan.
Hauek dira kalean dauden banaketa puntuak:
- Aldai plaza (Laudio)
- Aiaraldea Kooperatiba Elkarteko egoitza (Nerbioi kalea 12, Laudio)
- Abasto plaza (Laudio)
- Luiaondoko supermerkatua
- Laudioko kiroldegia
- Artziniegako frontoia
- Atxetako Dia
- Amurrioko Eroskia
- Orozkoko frontoia
- Urduñako supermerkatuak
- Basalarrina elkartearen egoitza (Laudio)