Oihartzun handia izan dute Tubacexen atzo gertatutako protestek. Horren seinale izan da gaur goizean Laudioko lantegiaren aurrean bizitako egoera: hedabide andana bertaratu da piketera -EITB, Telecinco eta EFE, besteak beste-, inolako gatazkarik gertatu ez den arren.
Hedabideetan zein sare sozialetan bolo-bolo zabaldutako irudiek lehen planoan jarri dute Aiaraldeko langileen gatazka, eta elkartasun keinuen olatua sortu da.
Eskualdeko eragile ugarik helarazi diete babesa Tubacexeko langileei. Aiaraldeko Sortuk eta Ernaik piketeetan gertatutakoen jarraipena eta salaketa egin dute sare sozialen bidez:
Orain inoiz baino gehiago, #Tubacex en gaur atxilotutako, kolpatutako eta identifikatutako langileei gure babes eta elkartasun osoa.
— Sortu Aiaraldea (@SortuAiaraldea) February 23, 2021
Borroka garaia da, eskualdean duintasunez lan eta bizitzeko.#EutsiGogor#AiaraldeaBorrokara pic.twitter.com/ReuPbsQKJ0
Aiaraldeko Gazte Koordinadora Sozialistak irakurketa plazaratu du gertatutakoaren harira:
[IRAKURKETA] Burgesia, Covid-19ak sortutako osasun krisiaren testuingurua baliatzen ari da langileria erasotu eta klase posizioa indartzeko
— Aiaraldeko GKS (@GKS_aiaraldea) February 23, 2021
Aiaraldean, ondorioak pairatzen hasiak gara, askatasun ezaren hazkundearekin batera langileon bizi-baldintzak ataka larrian aurkitzen dira: pic.twitter.com/PcOsnXaYeG
Aiaraldeko Greba Batzordeak, bere aldetik, bilera irekiak deitu ditu biharko 18:00etan, Amurrioko San Anton eta Laudioko Herriko plazetan.
Alderdien erreakzioak
EH Bilduk jakinarazi du gertatutakoaren gaineko azalpenak eskatuko dizkiola Eusko Jaurlaritzako Segurtasun Sailari. Horrez gain, Legebiltzarren lantzen ari den Aiaraldeari buruzko ponentzia sozioekonomikoan Tubacexeko Enpresa Batzordeko zein zuzendaritzako kideak bertaratzea eskatuko du:
Aiaraldeko Ponentziako hurrengo agerraldiak gaur eguerdian erabaki behar ziren.
— Unai Fdz. de Betoño (@UnaiFdB) February 23, 2021
Tubacexeko zuzendaritza eta enpresa-komitea etor daitezela proposatu dugu, kaleratzeen eta enpresa-gatazkaren berri eman dezaten.
Erantzuna: EZ.
EAJren eta PSEren ustez, ez da lehentasunezkoa. https://t.co/ThmVTBT2tP
Estatu Espainiarreko politikara ere egin du salto gaiak. Elkarrekin Podemos alderdiko Pablo Echeniquek sare sozialetan aipatu zuen gatazka:
¿Llamarán "violentos terroristas" a los trabajadores de Tubacex en Llodio que luchan para que 150 familias no se queden sin sustento? Espero que no.
— Pablo Echenique (@PabloEchenique) February 23, 2021
Es muy peligroso en democracia criminalizar la protesta social desde algunos partidos y medios. Todo mi apoyo a estos trabajadores pic.twitter.com/xznLEdA6Qj
Raul Zelik idazle alemaniarrak ere zabaldu du Laudion atzo gertatutakoa:
Im baskischen Llodio streiken Arbeiter*innen des Rohrbau-Konzerns #Tubacex gegen die Entlassung von 150 Kolleg*innen. Heute gab's Auseinandersetzungen mit der Polizei.@LABsindikatua @labournet_de https://t.co/H0vdDDVS7b
— Raul Zelik (@RaulZelik) February 23, 2021
Itziar Ituño aktoreak (La casa de papel telesailean agertzeagatik munduan barrena ezaguna egin dena), bere aldetik, bere Instagrama baliatu du Aiaraldeko langileen borrokari atxikimendua helarazteko:
Egun batetik bestera, ezohiko dimentsioa hartu du Tubacexeko langileen borrokak.
Gaur piketeak egingo dituzte berriz beharginek, txanda aldaketa bakoitzean. Eguerdian, aldiz, Bilbon mobilizatuko dira.