Saharar herriaren aldeko komunitateak mobilizazioak egin ditu gaur Amurrion eta Laudion, errepublikaren urtemuga dela-eta: "2020ko azaroaren 13an gerrara itzultzearen ondorioz, Algargargarat inguruan saharar zibilen aurka Marokok su-etena hautsi eta Mendebaldeko Saharako lurralde okupatuetan giza eskubideak urratu dituzte".
Minutu bateko isilunea burutu dute, borrokalarien omenez. "Sahararrek lurralde osoan jasaten dugun errepresio basatia gaitzetsi nahi dugu", azpimarratu dute.
"Saharako estatu independientea da irtenbidea", adierazi dute bozeramaileek hitzartzean. Zentzu horretan, Espainiar gobernuaren jokabidea salatu dute, baita Europar Batasuna eta Marokoren arteko merkataritza akordioak ere, "Mendebaldeko Saharako balibide naturalak espoliatzen dituzte eta".
Ondorioz, ondorengo eskaerak luzatu dizkiete Espainiari eta Europar Batasunari:
- Saharar Errepublika Arabiar Demokratikoa estatu burujabe eta independente gisa aitortzea.
- Autodeterminazio erreferenduma egitea.
- Giza eskubideen urraketa sistematikoak gaitzestea, eta neurri egokiak hartzea; merkataritza harremanak etetea barne.
- Marokok armak saltzeari uztea.
Etawasolek, halaber, konpromisoa berretsi du Saharako gatazkarekin irtenbide justua bultzatzeko.
Argazkiak: Maddi Isasi Azkarraga eta Izar Mendiguren Cosgaya