Egun osoan mobilizatuko da bihar eskualdea, enpleguaren defentsan

Aitor Aspuru Saez 2021ko mar. 4a, 09:05
Deskargatu Info Ahotsak :

Tubacex enpresako langileen protesta, iragan astean. / Iñaki Montes

Aiaraldeko Greba Batzordeak deituta, 7:30etatik 20:00ak arte egongo dira mobilizazioak Laudion eta Amurrion. Gehiengo sindikalak, aldiz, lanuztea deitu du 11:00etatik 13:00etara, eta mobilizazioak egingo ditu 11:30ean Laudio eta Amurrion. 

Egun osoko egitaraua antolatu ditu Aiaraldeko Greba Batzordeak biharko, "Aiaraldea alerta gorrian" lemapean. Gehiengo sindikalak -ELA, LAB, ESK eta STEILAS- lanuztea deitu du 11:00etatik 13:00etara eta mobilizazioak egingo ditu 11:30ean, Laudion zein Amurrion. 

Aiaraldeko enpleguaren aldeko aldarria zabaltzea izango da ekimemen xedea, Valvospain edota Tubacexen egoerak bultzatuta. Hodiak ekoizten dituen enpresako langileek 22 egun bete dituzte dagoeneko greba mugagabean, zuzendaritzak ezarri nahi dituen 150 kaleratzeen aurka. 

Gauzak horrela, Aiaraldeko Greba Batzordeak hurrengo deialdiak proposatu ditu biharko:

  • 7:30ean hitzorduak Tubacexeko lantegietara joateko eta grebalariekin bat egiteko, Laudioko Herriko plazan eta Amurrioko Telefonicako eraikinean.
  • 11:30ean manifestazioak ELA, LAB, ESK eta STEILAS sindikatuek deituta "Aiaraldean enplegu eta bizitza duinak!" lemapean, Amurrio eta Laudioko Herriko plazetan.
  • 15:30ean hitzorduak Tubacexeko fabriketara joateko eta piketeetara batzeko, Laudioko Herriko plazan eta Amurrioko Telefonicako eraikinean.
  • 20:00etan eskualdeko manifestazioa Amurrioko plazatik abiatuta.

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide