Mobilizazio jendetsua egin dute gaur eguerdian Barakaldon, enpleguaren defentsan. Bertan egon dira Tubacexeko langileak, PCB-ITP Aero Casting-eko beharginei elkartasuna adierazteko. Aiaraldeko fabriketako ehunka grebalari bertaratu dira Barakaldora, eta harrera beroa egin diete Herriko plazan.
Antzekotasunak daude bi enpresetako langileen egoeren artean. 83 pertsona kaleratu dituzte PCB-ITP Aero Casting enpresak Barakaldon eta Sestaon dituen lantegietan, eta Enplegua Erregulatzeko Aldi Baterako Espedientea ezarri nahi dute orain. Tubacexeko langileek, euren aldetik, 31 egun bete dituzte gaur greban, enpresak ezarri nahi dituen kaleratzeen aurka.
Iragan astean PCB-ITP Aero Casting-ko langileak izan ziren Tubacexeko beharginen piketera bertaratu zirenak:
Argazkiak: Tubacexeko langileak
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.