Barrikada, poliziaren argindar mozketa eta tentsio uneak Tubacexeko grebaren 41. egunean

Txabi Alvarado Bañares 2021eko martxoaren 23a

41 egun bete dituzte gaur Tubacexeko langileek greban, zuzendaritzak ezarri nahi dituen 129 kaleratzeen aurka. Dozenaka behargin batu dira goizeko lehen ordutik Laudio eta Amurrioko lantegietako sarreretan. Poliziaren presentzia handia egon da bi tokietan, eta tentsio uneak egon dira, istilurik gertatu ez den arren.

Amurrion langileek barrikada bat egin dute lantegiko sarreran, zuzendaritzako eta bulegoetako langileen autobusari sarbidea zailtzeko. Poliziak langileak zokoratu eta furgoneta baliatuta, kendu ditu bidean pilatuta zeuden zaborrontziak.

Horrez gain, udalak langileei jarritako argi-korronte kablea izorratu du Ertzaintzak, zizaila erabilita. Piketeetako bafleetatik poliziaren aurkako kantu bat jartzen ari ziren unean egin dute hori.

Edonola ere, tentsio une gorenenak gero egon dira, langileak errepidean autobusaren aurrean jarri direnean. Hala ere, ez da inolako istilurik egon, eta autobusa sartu denean, joan dira Ertzaintzaren patruila guztiak industriagunetik.

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide