COVID-19 birusak eragindako pandemiak oztopatu du aurtengo Korrika, baina Euskal Herrian AEK-k 100 plaza baino gehiagotan jarri du mahai gainean euskararen aldeko ekimen jendetsu hori gaur bukatu behar zela.
Efemeridea baliatu dute gogoratzeko euskaltegiek lan handia dutela oraindik egiteke, euskara bizitzen erdigunean jartzeko. Hori dela eta, herritarren babesa eskatu du AEK-k, erakundeek beharrezko baliabideak bideratu ditzaten euskararen sustapenera.
Bide batez, erakundeak jakinarazi du 2022ko Korrika are garrantzitsuagoa izango dela: "40 urteren ostean, euskaltegiek bultzada ekonomikoa behar dute oraindik eta horretarako ezinbestekoa da Korrika. Bultza euskara, bultza Korrika!". Hain zuzen, martxoaren 31tik apirilaren 10era bitartean izango da datorren urteko edizioa.
Mezu hori zabaltzeko, Juan Urrutia eta Aldai plazak hartu dituzte Amurrion eta Laudion, hurrenez hurren, eta tokiko grafitigileak zein musikariak egon dira ekitaldietan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide