Tubacexeko grebalariek erresistentzia kutxa kudeatzeko elkartea sortu dute eta dohaintzak egiteko aukera dago

Aitor Aspuru Saez 2021ko mar. 31a, 08:46
Deskargatu Info Ahotsak :

Tubacex enpresako langileen protesta. / Aiaraldea.eus

Zailtasun ekonomikoak dituzten langileei interesik gabeko maileguak ematea da helburua, baita eskualdeko elkartasuna bideratzea, legea jarraiki.

Tubacexeko grebalariak lanuztearen 49. egunean daude jadanik eta protesta luzatzeko urrats sendoa eman berri dute. Gauzak horrela, elkartea sortu dute erresistentzia kutxa kudeatzeko. Modu horretan, baliabide ekonomikoak bateratu eta bideratuko dituzte, legea beteta.

Orain arte, erresistentzia kutxan jaso dituzte gutxiengo zerbitzuetan aritzeko beharra duten langileen diru ekarpenak. Horrez gain, jendeak boluntarioki egindako donazioak ere egon dira.

Tresnaren helburua da zailtasun ekonomikoak dituzten grebalariei maileguak egitea, interesik gabekoak eta lankideen artean. Kudeatzaileek anonimotasuna bermatuko dute.

Edonork lagundu dezake

Gainera, herritar orori zabaldu diote aukera diru dohaintzak egiteko. Horretarako lau bide ireki dituzte:

Grebalariek iragarri dute behin protesta bukatuta, soberan dagoen dirua babestu dituzten eskualdeko erakundeetara bideratuko dutela.

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide