Hasi dira Lanbide eta Seperen bulego berriak atontzeko obrak, Jose Matia kaleko 24-26. zenbakien artean dagoen lonjan. Construcciones Eginetxe enpresa arduratzen ari da lanak egiteaz, 629.478,86 euroren truke. Sei hilabete izango ditu proiektua egikaritzeko. Gauzak hala, urtea amaitu baino lehen egongo da azpiegitura berria martxan.
Lanbidek azaldu duenez, zerbitzuetara modu "eroso eta ordenatuagoan" iristea ahalbidetuko du espazio berriak. Erakundeak aurreratu duenez, taldekako formazioak egiteko guneak izango ditu egoitzak, eta baita "itxarongela eroso" bat ere.
Azpiegitura berriak 584,99 metro karratuko zabalera izango du, eta Seperen egoitza ere bertara mugituko da. Gauzak hala, bi erakundeek bertan eskainiko dituzte euren zerbitzuak, behin obrak amaituta. Bulegoak "espazio bakarrean" bateratuko dituzte, "baliabideen erabilera hobetuz".
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
