Haurrentzako Internet bidezko tailer sorta eskainiko du Aiarako Kuadrillak, asteartetik ostiralera

Txabi Alvarado Bañares 2021eko apirilaren 5a
Deskargatu Info Ahotsak :

Sukaldaritza tailerra egingo dute asteazkenean.

Hainbat jardueraz gozatzeko aukera izango dute 11 eta 16 urte bitarteko gazteek. 

'Konekta zaitez euskaraz' tailer sorta antolatu du Aiarako Kuadrillak apirileko oporraldirako. Internet bidez egingo dira saioak, Labur.eus/euskarazkonektatu estekan.

Bihar -apirilak 6- izango da lehena. Etxean proiektore bat eta bozgoragailu bat nola egin ikasi ahalko dute gazteek. Asteazkenean, aldiz, sukaldaritza tailerra egongo da. Ondorengo platerak egiten ikasiko dute saiora konektatzen direnek: patata tortilla pintxoa, odoloste trufak eta gazta tarta. Ostegunean, aldiz, Izaskun Del Cerro jarriko da kamara aurrean, zuzeneko dantza emanaldia eskaintzeko. Lehiaketa batekin amaituko da ekimena, ostiralean.

Lau saioak ordu berean izango dira, 11:30ean. Zuzenean parte hartzeko aukera egongo da, YouTubeko zuzenekoaren txataren bidez. 

Hezkuntza

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide