30 koronabirus kasu berri detektatu zituen larunbatetik astelehenera bitartean Osakidetzak Aiaraldean, gaur plazaratutako txostenean zehaztu duenez.
Hau da positiboen banaketa udalerrika:
- Amurrio: 9 (2 larunbatean, 3 igandean, 4 astelehenean)
- Laudio: 18 (8 larunbatean, 3 igandean, 7 astelehenean)
- Orozko: 3 (2 larunbatean, 1 igandean)
Ratioei dagokionez, gorabeheratsua izaten ari da udalerrien bilakaera. Amurriok, Orozkok eta Laudiok gora egin dute azken positiboen ondorioz. Artziniegak, aldiz, ostiralean izandakoagatik. Okondok beherantzako joeran jarraitzen du, baina oraindik ez da zenbaki gorrietatik atera. Zehazki, eskualdeko udalerri bakarra da egoera horretan. Edonola ere, 4.000 biztanle baino gutxiago dituenez, ez dute itxiko.
Bestalde, Araba bihar itxialdian sartuko da, bere ratioa 407,62 kutsatu 100.000 biztanlekoa baita. Gogoratu beharra dago Eusko Jaurlaritzak horretarako langa 400eko ratioan ezarri duela.
Horrek suposatzen du herrialdea itxita egongo dela eta ezin izango dela sartu eta atera ezinbesteko jarduerak betetzeko ez bada -lana, osasuna...-. Ostalaritzan ere neurri berriak ezarriko dituzte. Hain zuzen, barruko jarduera mugatuko dute: 06:30etik 09:30era eta 13:00etatik 16:00etara. Gainera, aintzat hartu beharra dago Gasteiz ere itxiera perimetralean egongo dela.
| Udalerria | Ratioa | Aurreko eguneko ratioarekin alderatuta |
| Amurrio | 232,33 | +87,12 |
| Artziniega | 52,33 | +52,33 |
| Aiara | 310,88 | -138,17 |
| Laudio | 256,12 | +98,09 |
| Okondo | 575,18 | -246,51 |
| Arakaldo | 0 | (=) |
| Arrankudiaga-Zollo | 0 | (=) |
| Orozko | 228,05 | +114,02 |
| Urduña | 70.82 | -47,3 |
Aiaraldeko datu orokorrak
COVID-19 birusak eragindako pandemia hasi zenetik, hurrengoak dira udalerrika kutsatutako bizilagunak guztira:
- Laudio: 856
- Amurrio: 409
- Urduña: 216
- Aiara: 176
- Artziniega: 112
- Orozko: 79
- Okondo: 87
- Arrankudiaga-Zollo: 45
- Arakaldo: 2
- Aiaraldea: 1.982