Gaur polizia bakarrik egon da Laudioko Tubacexeko piketean

Aimar Gutierrez Bidarte 2021eko apirilaren 9a
Deskargatu Info Ahotsak :

Polizia bakarrik bertaratu da gaur Tubacexeko piketera. / Aiaraldea.eus

Grebalariek "hitzarmen eguna" hartu dute gaur eta ez dira Laudioko lantegiko sarrerara bertaratu, bai, ordea, Amurrion. Igandean manifestazioa egingo dute Bilbon, 11:30ean Jesusen Bihotza Plazatik.

Tubacexeko grebalariak ez dira piketera azaldu gaur goizean Laudion. Aldiz, Amurrion 30 lagun inguru agertu dira. Librantza eguna hartu dute Laudion grebalariek, aurreko Aldi Baterako Lan Erregulazio Espedientearen ezartzearekin galdutako hitzarmen egunengatik protestatzeko.

Enpresa Batzordeak auzitara eraman zuen ABLEEaren aplikazioaren ondorioz langileek galdutako atseden egunen afera, baina epaileak ez zien arrazoia eman. Hori salatzeko, ez dira lantegi sarrera aurrean egon gaur goizean.

Poliziaren operatiboa

Piketean langilerik egon ez den arren Laudion, ohikoan bezala, Ertzaintzaren operatibo zabalak lagundu ditu zuzendaritzako kideen autobusak Tubacexeko atariraino.

Manifestazioa Bilbon

Bien bitartean, grebalariek aurrera jarraitzen dute 129 kaleratzeen aurkako mobilizazioekin. Igandean, greba mugagabearen 60. egunean, manifestazioa egingo du Enpresa Batzordeak Bilbon. 11:30ean abiatuko dira Jesusen Bihotza Plazatik.

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide