Tubacexeko langileen batasun eta indar erakustaldia greba mugagabearen 63. egunean

Amurrio eta Laudioko beharginek suzko barrikada piztu dute Saratxoko fabrikako sarrera oztopatuz, eta zuzendaritzaren autobusa ez da lantegira sartu. Bihar egingo dituzte efektibo espedientean aurkeztutako 129 kaleratzeak.

Greba mugagabearen 63. eguna bete dute gaur Tubacexeko langileek. Amurrioko lantegiko sarreran elkartu dira hiru fabriketako beharginak eta suzko barrikada piztu dute, sarrera guztiz oztopatuz. Suhiltzaileak bertaratu dira, baina sua itzali gabe alde egin dute berriro. Zuzendaritzako kideak, ordea, ez dira fabrikara sartu gaurkoan Amurrion.

Enpresak bihar egingo ditu efektibo Enplegua Erregulatzeko Espedientean aurkeztutako 129 kaleratzeak, eta langileak takiletako objektu pertsonalak jasotzera behartu ditu. Hitzorduak zehaztu dituzte kaleratuak izango diren langileekin eta euren gauzak jasotzera sartu direnak segurtasun zerbitzuko agenteen konpainian egin behar izan dute.

Martxa Gasteizera

Bihar, 8:00etan, Amurriotik martxa abiatuko dute langileek, ostiral goizean Gasteizko parlamentura iristeko asmoarekin, bertan elkarretaratzea egingo baitute 9:00etan. Bidean Gopegi herrian egingo dute lo. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide