Gasteizera bidean dira Tubacexeko langileak, kaleratzeen aurka protestatzeko

Amurrioko lantegitik abiatu dute ibilaldia, eta bihar goizean iritsiko dira Gasteizera. Bertan elkarretaratzea egingo dute Eusko Legebiltzarraren aurrean. 

Greba mugagabearen 64. eguna da gaurkoa. Zuzendaritzak gaur gauzatu ditu enplegu erregulazio espedientean aurkeztutako 129 kaleratzeak, baina langileek borrokan jarraitzeko konpromisoa adierazi dute. Gaur goizean ibilaldia abiatu dute dozenaka beharginek, Amurrioko lantegitik hasita, Gasteizko Legebiltzarreraino.

Eusko Legebiltzarrean bihar goizean egingo den osoko bilkura baliatuko dute Tubacexeko grabalariek eraikinaren atarian protesta egiteko, goizeko 9:00etan.

Elkartasun keinuak

Gorbeialdeko Gopegi herriko kiroldegian igaroko dute gaua ibilaldian ari diren langileak. Bihar zenbait deialdi zabaldu dira Arabako hiriburuan langileei harrera egiteko, eta ibilbidearen azken kilometroak batera egiteko.

Dagoeneko elkartasun keinu ugari jaso dituzte Gasteizera bidean diren grebalariak. Hainbat herritar bide bazterrera atera dira langileak txalotzera. Inosoko ekoizle batek, esaterako, eztia eta gazta eman dizkie.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide