Larsabi elkartearen babesa jaso dute gaur Tubacexeko langileek

Larsabi elkartearen arkumeak zozketatu dituzte. / Tubacexeko langileak

Artzain elkarteak hainbat arkume eman dizkie beharginei, eta hauek zozketa antolatu dute. Bildutako dirua Enpresa Batzordeak antolatutako mobilizazio eta ekimenen gastuei aurre egitera bideratu dute.

Larsabi abeltzain elkarteko kideak egon dira gaur goizean Tubacexeko piketean, greba mugagabearen 70. egunean. Euskal Herriko 41 abeltzainek osatzen dute elkartea, eta amaren esneaz elikatutako arkume haragia ekoizten dute.

"Sektore ezberdina da Tubacexekoa, baina berdin zaigu, ezinbestekoa da elkartasuna eta babesa adieraztea", azaldu dute elkarteko kideek Laudioko fabrikako atarian.

Hain zuzen ere, arkume haragiz osatutako zenbait saski eman dizkiete Tubacexeko langileei. Langileek zozketa antolatu, eta gaur egin dute zenbaki sarituen banaketa, Laudioko fabrikako sarreran. Enpresa batzordeak antolatu du zozketa, bertan bildutako dirua orain arteko mobilizazio eta ekimenek eragindako gastuari aurre egitera bideratu dute.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide