Gaur argitaratu da Aiaraldea Hemen hamabostekariaren zenbaki berria. Hainbat motatako edukiak dakartza agerkariak, oraindik Aiaraldea.eus atarian argitaratu gabekoak gehienak.
Gorobel mendilerroan eraiki nahi duten parke eolikoa eraman dugu azalera, gai horri buruzko erreportajea osatu baitugu. Malen Atxa Corbellari, Irati Gonzalez Vizani, Iñaki San Andresi, Gotzon Martini edota Nahia Seijos Garzoni eginiko elkarrizketak ere topatuko ditu irakurleak, beste eduki batzuekin batera.
Faktoriari buruzko gehigarri berezia
Horrez gain, eduki berezia ere dakar hamabostekariaren zenbaki berriak. Datorren maiatzaren 15ean irekiko da Faktoria. Hori dela eta, gehigarria osatu dute Aiaraldea Ekintzen Faktoriako kideek, proiektuaren nondik norako guztiak azaldu eta jendarteratzeko.
Banaketa puntuak
Datozen egunetan banatuko da hamabostekaria eskualdeko saltoki, ikastetxe eta kaleetan. Honako banaketa puntu hauetan topatu daiteke, besteak beste:
- Aldai plaza (Laudio)
- Aiaraldea Kooperatiba Elkarteko egoitza (Nerbioi kalea 12, Laudio)
- Abasto plaza (Laudio)
- Luiaondoko supermerkatua
- Laudioko kiroldegia
- Artziniegako frontoia
- Atxetako Dia
- Amurrioko Eroskia
- Orozkoko frontoia
- Urduñako supermerkatuak
- Basalarrina elkartearen egoitza (Laudio)