Aiaraldeko 5 herritar identifikatu eta salatu zituen atzo Ertzaintzak Gasteizen, istiluekin amaitu zen Ernairen manifestazioan. Zigor proposamenak, batik bat, poliziaren jarduera grabatzeagatik izan ziren. Hala ere, bi isun manifestazioan parte hartzeko eremu gorritik ateratzeagatik jarri zituzten.
Horietako lagun bat kolpatu zuen Ertzaintzak. Hain zuzen, herritar horrek grabazioa sareratu zuen. Ertzain horrek zigorrarekin nola mehatxatzen dion ikusi eta entzuten da bideoan:
Morroi honek borrarekin jo dio buruan gazte bati. Bere kezka bakarra: irudiak ez zabaltzea!
— Aimar Gutierrez (@AimarRahim) May 8, 2021
Psikopata hutsak zarete! ¡Qué se disuelvan y entregen las armas! pic.twitter.com/sEVJn57gaU
Berez, salaketa jarri zuen poliziak bi ikur zeramatzan eskumuturrean: Jusapol erakunde ultraeskuindar-polizialarena eta "Blue Lives Matter" deritzona (Estatu Batuetako poliziak sortutako leloa herritar beltzen erailketen salaketa mobilizazioen harira).
Isun proposamena jaso zuen eskualdeko beste gazte batek biralak bilakatu diren beste irudi batzuk grabatzeagatik.
Salatutako bi lagun Tubacexeko grebalariak dira, Gasteizera joan zirenak protestarekin bat egitera.
Atzo Ernai erakundeak manifestazioak deitu zituen Euskal Herrian, gazteen etorkizun prekarioa salatzeko. Istiluak egon ziren Gasteizen eta Bilbon. Guztira, 8 herritar atxilotu zituen Ertzaintzak, eta bi gazte ospitaletik igaro ziren, jasotako zaurien ondorioz.