Auziperatutako kideei elkartasuna helarazi diete Tubacexeko langileek, epaitegi aurrean

Aitor Aspuru Saez 2021eko maiatzaren 11

Zuzendaritzarekin bildu dira Enpresa Batzordeko kideak, baina ez dute inolako adostasunik lortu. Gauzak hala, borrokan jarraitzeko deia luzatu dute sindikatu guztiek.

Amurrioko epaitegian deklaratu dute otsailean Ertzaintzak atxilotutako Tubacexeko 3 grebalariek. Ehundik gora lankide eta herritar batu dira epaitegiaren sarreran, hiru akusatuei babesa eta elkartasuna adierazteko.

Ondoren, Gasteizera joan dira grebalari guztiak, Legebiltzarraren aurrean protesta egitera. Enpresa Batzordeko kideak sartu dira eraikin horretan, Eusko Jaurlaritzako ordezkariei euren aldarrikapenak helarazteko.

Zuzendaritzarekin bilera

Zuzendaritzarekin ere bildu dira gaur langileen ordezkariak. Salatu dutenez, enpresako buruek ez dute inolako autokritikarik egin. Gauzak hala, kaleratzeak eragingo dituen proposamenik onartuko ez dutela ziurtatu dute sindikatu guztiek, eta borrokan jarraitzeko deia luzatu diete beharginei, "piketeak are gehiago indartuta".

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide