Labetik atera berri da Aiaraldea Hemen hamabostekariaren 144. zenbakia. Orotariko gaiak lantzen ditu agerkariak. Erreportaje nagusiak auzolana du hizpide. Bertan, eskualdeko hainbat esperientzia komunitario bildu dira, Aiaraldean oso praktika hedatua baita.
Horretaz gain, aktualitateari lotutako gaiak ere aurkituko ditu irakurleak.
Elkarrizketak
Elkarrizketa mamitsu ugari dakartza hamabostekariaren ale berriak; hala nola: Iñaki Montes argazkilariarena, Ane Murga Nazioarteko Filosofia Olinpiadan parte hartu duen Laudio BHI Institutuko ikaslearena, Izaskun Bengoa kirolariarena edota Zabaleko eskola txikiko gurasoei egindakoa.
Banaketa puntuak
Datozen egunetan banatuko da hamabostekaria eskualdeko saltoki, ikastetxe eta kaleetan. Honako banaketa puntu hauetan topatu daiteke, besteak beste:
- Aldai plaza (Laudio)
- Aiaraldea Kooperatiba Elkarteko egoitza (Nerbioi kalea 12, Laudio)
- Abasto plaza (Laudio)
- Luiaondoko supermerkatua
- Laudioko kiroldegia
- Artziniegako frontoia
- Atxetako Dia
- Amurrioko Eroskia
- Orozkoko frontoia
- Urduñako supermerkatuak
- Faktoria (Laudio)