Madrilen mobilizatuko dira Tubacexeko langileak datorren ekainaren 16an

Aimar Gutierrez Bidarte 2021ko eka. 4a, 19:16

Laudio Ikastolako langileak Tubacexeko piketean, elkartasun kutxari ekarpena egin ostean. / Aiaraldea.eus

Kaleratzeen aurkako greba mugagabearen 114. eguna bete dute gaur Tubacexeko beharginek, eta aurrera jarraitzen dute euren aldarrikapenak zabaltzeko protesta ekimenekin.

Datorren ekainaren 16an -asteazkena-, greba mugagabearen 126. egunean alegia, Madrilera bidaiatuko dute Tubacexeko langileek. 129 kaleratzeen aurkako protesten testuinguruan, Espainiako Diputatuen Kongresuaren aurrean mobilizatuko dira, borrokari oihartzuna emateko helburuarekin. Autobusez abiatuko dira Espainiako hiriburura, eta egunean bertan bueltatuko dira Euskal Herrira.

Bien bitartean protesta ekimenekin jarraituko dute baita Aiaraldean ere. Datorren ekainaren 7an Laudio eta Amurrioko pentsionistekin mobilizatuko dira, eta talde argazkia aterako dute ekainaren 10ean Nerbioi ibaiaren jaiotzan.

Elkartasun keinuak

Greban dauden langileekiko elkartasunak ez du etenik. Aste honetan bertan Orbeko Etxeko eta Laudioko Gaztetxeko kideek maiatzaren 29an antolatutako elkartasun kontzertuetan bildutako dirua entregatu dute Laudioko piketeko erresistentzia kutxan.

Laudioko Gaztetxea eta Orbeko Etxetik elkartasuna #Tubacex -eko langileekin! pic.twitter.com/luNcBUrXSO
— Laudioko Gaztetxea (@LaudioGaztetxea) June 4, 2021

Laudio Ikastolako langileek ere ikastetxean bildutako dirua utzi dute gaur bertan piketeko itsulapikoan.

114. GREBA EGUNA
Hainbat ikastoletako langileen diru bilketa jaso dugu gaur elkartasun kutxarako. @LabIkastolak delegatuek sustatu dute bilketa eta diru kopuru inportantea eman dute.
GORA LANGILEAK, GORA ELKARTASUNA ETA GORA LAB!!@LABaiara @LABsindikatua @tubace_xen @aiaraldea pic.twitter.com/ZBa3Cdgwin
— LAB Tubacex-Acva. (@labtubacex) June 4, 2021

Oihartzun zabala izaten ari Tubacexeko langileek borroka. Horren adibide da Juan Carlos Monederok Aitor Bordagai langileari eginiko elkarrizketa, En la frontera saioan:

Ekonomia

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide