Trebiñu eta Argantzun herrietako bizilagunak Laudioko piketean izan dira gaur, greba mugagabearen 117. egunean. Elkartasun-astean bildutakoa eraman diete grebalariei: 800 euro, 550 kilo patata, kroketa sorta bat eta 5 kilo intxaur.
Kaleratzeen aurka greba mugagabean dauden Tubacexeko langileen aldeko elkartasun-astea antolatu zuten Trebiñun maiatza bukaeran. Aste oso batez bono-laguntzak saldu zituzten Argantzun eta Trebiñuko tabernetan, eta maiatzaren 30ean Tubacexeko langileen aldeko postua jarri zuten Trebiñuko plazan.
Guztira 800 euro, 550 kilo patata, kroketa sorta bat eta 5 kilo intxaur bildu zituzten. Gaur egin dute bildutako guztiaren entrega Laudioko piketean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.