Basogintza ereduari buruzko jardunaldiak egongo dira ostegun honetan -ekainak 10- Faktorian. 19:30ean hasiko da solasaldi sorta. Aitor Larrañaga izango da hitza hartzen lehena. EHUko Landare eta Biologia Departamentuko irakasleak eukaliptoaren landaketen ingurumen ondorioak izango ditu hizpide.
Iñaki Etxebeste eta Markel Arriolabengoak hartuko dute hitza jarraian. Tantai baso jabe kooperatibaren nondik norakoak azalduko dituzte.
Itsasondoko alkateak -Iñaki Aizpuru- izango da hitza hartzen azkena. Udalerri horretako basogintza esperientziaren nondik norakoak kontatuko ditu.
Zuzenean Aiaraldea.eus atarian
Uhandre Amurrioko baso biziak plataformak antolatu ditu jardunaldiak, Aiaraldea Komunikabidearekin elkarlanean. Hedabideak zuzenean emitituko ditu jardunaldiak Aiaraldea.eus atarian.
Basogintza ereduari buruzko jardunaldiak antolatu ditu Uhandre Amurrioko Baso Biziak plataformak @EkintzaFaktoria -n ostegun honetarako, 19:30ean. Aiaraldea Komunikabideak zuzeneko emisioa egingo du. pic.twitter.com/f4girrD5H7
— Aiaraldea.eus (@aiaraldea) June 8, 2021