Hilabete bat igaro da Faktoriak ateak ireki zituenetik. Dozenaka kultura emanaldi egin dira bertan ordutik hona, baina ez hori bakarrik. Proiektuaren aurkezpenak egiteari ere ekin diote Aiaraldea Ekintzen Faktoriako kideek, egitasmoa ahalik eta sektore gehienen artean jendarteratzeko helburuarekin.
Ekaina hasieran, adibidez, Euskal Herriko euskalgintza eragileetako dozenaka ordezkarik bisitatu zuten espazioa:
Aiaraldea Ekintzen Faktoriaren proiektua azaltzen gabiltza Euskalgintzako ordezkarien aurrean pic.twitter.com/5XVckAv40b
— Aiaraldea Ekintzen Faktoria (@EkintzaFaktoria) June 1, 2021
Bihar -ekainak 15-, aldiz, eskualdeko elkarte eta herri eragileen txanda izango da. 19:30ean egingo da aurkezpena, Faktorian bertan (Errotari kalea, 4-8 pabilioia, Laudio).
Aiaraldeko elkarte eta eragile guztietako kideei luzatu diete bertan parte hartzeko gonbita. Horretarako, baina, beharrezkoa izango da aurretik izena ematea, formulario hau beteta.
Proiektuaren nondik norakoak azalduko dituzte aurkezpenean, baita Faktoriaren funtzionamenduaren eta erabileraren inguruko kontuak ere.