TUBACEX GREBAN

Tubacexeko lan gatazka: orrialde osoa El Jueves umore aldizkarian

Gaur saltzen ari dira langileen artean aldizkariak. / Aiaraldea.eus

Gaur argitaratu du El jueves aldizkariak 2.301. zenbakia eta Tubacex enpresako lan gatazkak orrialde osoa izan du barruan.

Langileek eurek aurreratu bezala, Tubacex enpresako lan gatazkak protagonismoa izan du El jueves umore argitarapenean. Hain zuzen, gaur kalera atera den 2.301. zenbakian orrialde osoko komikian jaso dute jadanik 139 egun iraun duen greba.

Orrialdearen egileak Carlos Azagra eta Encarna Revuelta izan dira -Pedro Pico eta Pico Vena pertsonaien sortzaileak- eta Laudioko lantegiaren sarreran girotu dute bineta.

200 kopia salduta Laudioko lantegian

Langileen artean harrera oso beroa izan du egitasmoak eta aldizkariaren 200 kopia erosi dituzte. Behargin interesdunekin zerrenda osatu eta gero, El juevesen enpresa banatzailearekin jarri ziren harremanetan eta gaur Laudioko lantegiaren sarreran saltzen ari dira aleak.

Oihartzun handiko gatazka

Kulturaren, politikaren edota kirolaren munduek keinu ugari izan dituzte Tubacexeko grebalariekin, eta adibideak zenbatzea ezinezkoa da. Los Chikos del Maiz taldeak, esaterako, babes publikoa eskatu du langileentzat, baina lanuztea babestu duten hamaika norbanako egon dira.

Halaber, hainbat hedabidetan islatu dituzte langileen iritzia eta borroka.Juan Carlos Monederok gidatutako saioak, adibidez, tartea egin zien.

Musikaren esparruan, kasurik nabarmenena La Excavadora taldearena izan zen, Amurrioko piketean zuzenekoa eskaini baitzuen grebalarientzat:

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide