Urtero bezala, Udako Argazki Lehiaketa abiatu du Aiaraldea Komunikabideak. Bi modu egongo dira parte hartzeko: Argazkiak zuzenean Aiaraldea.eus web gunera igota (www.labur.eus/udakoargazkilehiaketa helbidean) edo komunikabideko kideei bidalita, erredakzioa@aiaraldea.eus helbidearen edo 688 84 81 52 telefonoaren bidez (Telegram edo Whatsapp bidez). Beharrezkoa izango da egilearen izen abizenak eta irudiaren izenburua eta kategoria aipatzea.
Kategoria eta sariak
Hiru kategoria egongo dira. 'Mundua' kategorian eskualdetik kanpo ateratako argazkiak bilduko dira. 'Aiaraldea' kategorian, aldiz, tokiko irudiak aurkeztu ahalko dira. Hirugarren kategoria taldekako argazkietara bideratua egongo da.
Sari bat banatuko da kategoria bakoitzeko. 'Mundua' saileko saria bi lagunentzako gaua eta gosaria izango da Gorbeiako aterpean. Aiaraldeko argazki onenaren egileak, aldiz, Faktoriako kontzertuetarako bi sarrera bikoitz eskuratuko ditu. Talde argazki bozkatuenak, aldiz, Ekonomatuko produktuekin osatutako saskia jasoko du opari.
Bozketa fasea
Aiaraldea.eus webguneko erabiltzaileek erabakiko dituzte lehiaketako irabazleak. Horretarako, argazkien bozketa fasea irekiko da irailaren 21etik 30era. Kategoria bakoitzean boto gehien jasotzen dituen irudiak eskuratuko du saria. Urriaren 1ean jakinaraziko dira saridunak.
Aiaraldeko Udako Argazki Lehiaketa, abian!
— Aiaraldea.eus (@aiaraldea) July 2, 2021
Sariak: Gorbeiako aterpean gaua eta gosaria, Faktoriako kontzertuetarako sarrerak eta tokiko produktuen saskia
Parte hartu hemen https://t.co/BzLKXkCZvL pic.twitter.com/zRN9xOMduw