Pozez lehertu ziren atzo Laudio eta Amurrioko piketeak, EAEko Justizia Auzitegi Nagusiak Tubacexeko Enplegua Erregulatzeko Espedienteak baliogabetu bezain laster. 146 greba egunen ostean, lan gatazkaren amaiera geroz eta gertuago ikusten dute langileek, eta aldeko sententziek bultzada handia eman diete.
Lantegietako sarreretatik harago, Aiaraldeko kaleetan ere nagusitu zen poztasun olatua. Sare sozialak ere zorion mezuez bete ziren, eta greba mugagabeko 145 egunetako irudiek protagonismoa hartu zuten berriz.
Borroka da bide bakarra!!
— Maddi Isasi Azkarraga (@maddisasi) July 6, 2021
Ez da kontsigna huts bat. Ez da sententzia bat bakarrik. Eta ez da Tubacex bakarrik, askoz gehiago da.
Aupa zuek joder! Ohorea da horrelako borroka baten lekuko izatea! pic.twitter.com/9zqM4pqmLB
Eskualde oso baten garaipena
Aiaraldeko Greba Batzordetik, Tubacexeko langileak zoriontzeaz gain, lortutako garaipena "eskualde osoaren lorpena" dela azpimarratu dute. Greba mugagabean zehar erresistentzia kutxara ekarpena egin duten merkatarien, mobilizaziotara batu diren bizilagunen edota mugimendu feministako kideen ekarpenak goraipatu dituzte, besteak beste.
Honako hau ez da Tubacexeko langileen lorpena soilik izan, eskualde oso baten garaipena izan da: erresistentzia kutxari ekarpena egin dioten merkatariena, mobilizazioetara batu diren bizilagunena, pikete feministan zuzendaritzaren autobusa gelditu zuten emakumeena*... pic.twitter.com/TI574KCXu7
— Aiaraldeko Greba Batzordea (@AiaraldeaGreba) July 6, 2021
Bide beretik egin du Sortu Aiaraldeak bere balorazioan. Eskualdean eraso laboralen aurrean marra gorri bat ezarri dela adierazi, eta garaipena langile batasunaren eta herri borrokaren fruitu izan dela nabarmendu dute Ezker Abertzaleko kideek.
Alderdi politikoen erreakzioak
Hainbat ordezkari politiko ere publikoki azaldu dira Justizia Auzitegiaren sententzia baloratzera. Horietako bat izan da Yolanda Diaz, Espainiako Gobernuko Lan ministroa. Twitter bidez idatzitako txio baten bidez, Diazek adierazi du kaleratzeen baliogabetzea "oso albiste ona" dela eta enplegua bermatzea "ardura kolektiboa" dela:
La nulidad del ERE de Tubacex es una gran noticia. Tras 146 días de huelga, los trabajadores y trabajadoras consiguen frenar los despidos.
— Yolanda Díaz (@Yolanda_Diaz_) July 7, 2021
Proteger el empleo, como determinan las medidas aprobadas en esta pandemia, es una responsabilidad colectiva. https://t.co/FRPWNKroWV
Iñigo Errejonek ere bere sare sozialetan baloratu zuen kaleratzeen baliogabetasuna eta langileen garaipena, baita Manu Pinedak ere, PCEko nazioarteko idazkari eta Unidas Podemos-IU alderdiko eurodiputatuak.
Euskal Herrira etorrita, Tubacexeko langileak zoriondu eta sententziaren balorazio positiboa egin dute ezkerreko alderdiek eta hauen ordezkariek..
EH Bilduk nabarmendu du "eredugarria" izan dela Tubacexeko langileek eta Aiaraldeak egindako borroka: "EH Bilduk uste du zorionak eta esker ona eskualdeko herritar guztiei helarazteko modukoak direla". Plazaratutako oharrean, enplegua defendatzeko politika industrial eraginkor bat ezartzeko beharra adierazi du koalizioak.
Hain zuzen ere, EH Bilduko legebiltzarkide den Iker Casanovak langileekin batera ospatu zuen epaileen ebazpena Laudioko piketean:
Arratsalde ederra Tubacexeko ateetan kaleratzeen baliogabetzea ospatzen. Gaurko garaipena, borroka handi baten ondorioa da. Zorionak eta eskerrik asko #TubacexBorrokan !! pic.twitter.com/u4JhSarb0Z
— Iker Casanova (@ikerkasanova) July 6, 2021
Elkarrekin Podemos alderdiko bozeramaile den Miren Gorrotxategik eta Euskadiko Alderdi Komunistako idazkari nagusi den Jon Hernandezek ere zoriondu dituzte langileak:
Ze berri ona!
— Miren Gorrotxategi (@MiGorrotxategi) July 6, 2021
Zorionak Tubacex! ( @tubace_xen )
Langileon borroka eta antolakuntzak emaitzak eman ditu. Mila esker zuen borrakagatik, guztion garaipena da eta. https://t.co/kTbGZ91kw5
Elkartasuna jaso, elkartasuna eman
Luze joko du oraindik amaierara iritsi ez den Tubacexeko greba mugagabeak. 147 egun hauetan asko izan dira beharginei babesa helarazi dieten enpresa batzorde, sortzaile eta figura publikoak. Askok ez dute aukera galdu nahi izan berriro ere langileei esker mezuak bidaltzeko.
Horietako bat da Carlos Azagra marrazkilaria. Duela aste batzuk bere ilustrazioak orri oso bat hartu zuen El Jueves aldizkari ezagunean:
Declarados nulos los EREs en Tubacex,pequeñas grandes luchas que se ganan! pic.twitter.com/uIqIDIKyyo
— Carlos Azagra (@cazagra) July 6, 2021
Tubacexeko langileekin batera borrokan aritu diren gainerako enpresetako langileek ere zoriondu zituzten grebalariak atzoko ospakizun egunean. Horien artean daude Bilboko Argiak, Laudio Autoglas edota ITP-Aero, besteak beste.
Jasotako elkartasun eta zorion mezu guztiak eskertzeko tartea ere hartu dute grebalariek:
Muchísimas gracias a todos los que nos habéis apoyado en estos 146 dias de huelga. Gracias a todos los que habéis creído en nosotros. Gracias a todas las muestras de cariño, a todas las aportaciones, a toda la difusión. No lo habríamos conseguido sin vosotros.
— TUBACEXenLUCHA (@tubace_xen) July 6, 2021